আকাশী-গঙ্গা ✍️ চিৰঞ্জীৱ শঙ্কৰ

 আকাশী-গঙ্গা
       : চিৰঞ্জীৱ শঙ্কৰ (ছমৰীয়া সত্ৰ)
                   (০২/০৪/২০০৪)

নালাগে সৌ আকাশৰ
জিলিমিলি তৰা
নালাগে সৌ আকাশৰ
আকাশী-গঙ্গা
যদি তুমি দিয়া উজাৰি
আলসুৱা হিয়াৰ মৰম এধানি
নালাগে একোৱেই মোক
ইয়াৰ বাহিৰে
তোমাৰ হৃদয়ৰ পৰা
অ' মৰমী
অনামী লগৰী
তোমাৰ হৃদয়ৰ পৰা

হৃদয়ৰ আঁৰে আঁৰে গোপনে
বুকুৰ মাজতে,
বহু আশাৰে
সাঁজিছো সোণৰ কাৰেংঘৰ
সোন কাৰ বাবে ?
মাথোঁ তোমাৰ বাবে

মোৰে জীৱনৰে লগৰী
বুকুৰ মৰমবোৰ উজাৰি
দিবানে সহাৰি মোক
অ' মৰমী
অনামী লগৰী
দিবানে সহাৰি মোক

লুইতৰ পাৰে পাৰে অকলে নিৰৱে
অনুভৱি হিয়াতে,
বহু ভাষাৰে
ৰচিছোঁ উজাগৰে ৰাতি কবিতা
সোন কাৰ বাবে
মাথোঁ তোমাৰ বাবে

মোৰে জীৱনৰে লগৰী
বুকুৰ মৰমবোৰ উজাৰি
দিবানে সহাৰি মোক
অ' মৰমী
অনামী লগৰী
দিবানে সহাৰি মোক ।।।।

https://amzn.to/2X9ZK4Y